30 Sep 2009

ഉറങ്ങാതിരിക്കുക

ഉണ്ണീ നീ ഉറങ്ങാതിരിക്കുക
ഉറങ്ങിയാല്‍ സ്വപ്നം കാണാതിരിക്കുക
കണ്ട സ്വപ്നങ്ങളെ ഓര്‍ക്കാതിരിക്കുക
ഓര്‍മ്മകളെ തിരയാതിരിക്കുക
തിരഞ്ഞതൊന്നും കാണാതിരിക്കുക
കണ്ടതൊന്നും അറിയാതിരിക്കുക
അറിഞ്ഞതൊന്നും നേടാതിരിക്കുക
നേടിയതൊന്നും പോകാതെ നോക്കുക
പോയതോര്‍‌ത്തു കരയാതിരിക്കുക
കരഞ്ഞു കരഞ്ഞു മരിക്കാതിരിക്കുക
മരിച്ചാല്‍ വീണ്ടും ജനിക്കാതിരിക്കുക

7 Sep 2009

ശവദാഹം

ഞാനെന്ന പിറക്കാത്ത കിനാവിന്റെ
മരിക്കാത്ത ജഡത്തിനെ
എരിയാത്ത ചിതയില്‍ ഒടുക്കി നീ
ഇനി നാളെ
ഉണ്മയില്ലാത്തൊരെന്‍ ആത്മശാന്തിക്കായ്‌
നിന്‍ പരിഹാസതര്‍പ്പണം