എനിക്കു ചുറ്റും ചോദ്യങ്ങളാണ്
ഉത്തരമില്ലാത്ത ചോദ്യങ്ങള്
ഓരോ ഉത്തരങ്ങളും പരിണമിച്ച്
വീണ്ടും ചോദ്യങ്ങളുണ്ടാകുന്നു
പൂര്ണ്ണവിരാമങ്ങള് നീണ്ടുവളഞ്ഞ്
പിന്നെയും ചോദ്യചിഹ്നങ്ങളായി
അവ സര്പ്പങ്ങളായി മണ്ണില് ഇഴഞ്ഞു
ചിലത് ഉറക്കം കെടുത്തുന്ന ദുഃസ്വപ്നങ്ങളായി
ഉറങ്ങിക്കിടന്ന ഉത്തരങ്ങള് ഉണരാതെ
ചോദ്യദംശനങ്ങളില് കരിനീലിച്ചു ചത്തു
ഒടുവില് ഉത്തരങ്ങളില്ലാത്ത ഞാന്
ഒരു വലിയ മറുചോദ്യമായി
ആര്ക്കും ഉത്തരമില്ലാത്ത
ഒരു വലിയ മറുചോദ്യം
No comments:
Post a Comment